Fallst grod amol nix zum lachen hast, dann les doch amol unser Fahrschulgschicht.
Übrigens, erfahrn doost do ah su allerhand.

Du Schorsch soach amol, etz simma scho gleih 17 Jahr alt. Ich glaab etz werd``s Zeit das mer uns allmählich amol a Fahrschul soong.

Do hast recht, a super Idee.
Aber wie find mer bloos die richtige?

Des is gar net so einfach. Erschdens gibt´s so viel und zweitens härd ma do a so einiches.
Wärkli, was no?

A Friend vo mir hat es dodale Dilemma erlebt. Der is af so an "Anton aus Tirol" reigfalln.
Wie no?
Na wast scho: Ich bin so doll, ich bin so schee usw...Der hat nen es blaue vom Himmel  versprochen.
Zu uns kummt a jeder, bei uns schaffts a jeder, mir hom in besten Preis und die dollsten Autos usw. Überhaubt hat er gmant, das sie die coolsten sin und das der Franz blos nu unterschreim mo. Dann geht alles wie vo selber.
Ja und weiter.
No hom`s in Franz no so a scheane Beispielrechnung unter die Nosn kaltn, worauf der Franz dann a unterschriem hat.
Und dann?
Dann war alles erscht amol super. Der Franz hat si sau wohl gfühlt und mit denne richtig Gaudi gabt. Bloos
wie dann es Geld von der scheana Beispielrechnung wech war, und der Franz eigentlich a kanns mehr ghabt hat is er zum Nochdenken kumma. Dabei war Richtung Prüfung no lang ka Land in Sicht, wast wie ih mahn?
Was hat er dann gmacht?
Bläde Froch. Was soll er scho gmacht hom? Bläd gschaut hat er erst amol.
Dann is er a no, mit über zwansg Fähler, in der Theorie durchgflung.
Wie no des, der geht doch ins Gymnasium?
Na ja, a lockere Ausbildung mo scho sei, sonst machts ja a kann Spaß. Aber wennst halt blos Halli Galli hast und dann a no a jeder zu dir sacht das alles vo selber geht, no glabst des halt irgendwann.
Do wedder ganz schea sauer gwesen sei, der Franz! Odder?
Sauer is goar ka Ausdruck! Gift und Galle hat er kotzt. Der hat ja fast a Jahr rum do bis er denn Lappn endlich ghabt hat und aus denne knapp 1200.- EUR aus der Beispielrechnung sin dann weit über 2000.- EUR  gworn.

Des däerf uns ned passiern, do mäem a richtig obacht gem! Abrobo Geld, was manst no wie viel das mer für so  an Schein heut berappn mo?
Des kommt halt drauf oh wie ma uns stelln. Was ih so ghärt hob, moast so mit rund 1500.- EUR rechner.
Geht des scho widder oh. Wecher Preise hob ih mi scho emol ewäng erkundicht. Do schwankt die Stund zwischen 25.- und 43.-EUR.
Na ia, in erster Linie moast halt schauer wast für dei Geld griegst! Fahrstund is ehm net gleich Fahrstund und Fahrschul is ehm net gleich Fahrschul.
Hast du gwußt, das wenn a Fahrschul die wo zum Beispiel 32.-EUR  für die Stund verlangt und dir blos 5 Stund mehr neidrigt scho teuerer sei kann wie anne die 37.- EUR nimmt?
Wärkli? Des kanni gar net glam.
Rechng halt noch, noa wärst scho seeng. Odder kannst net rechner?
Pui Teifel soch ih doa! Nepper, Schlepper, Bauernfänger. Kenna die eigentlich machen was wolln?

Mir mean schauer was unterm Strich raus kummt. Blos des zählt!
Do hilft blos ans: Mir mean uns vorher einfach richtig schlau machen!
Aber wo?
Im Internet, da kannst außer auf die Fahrschulseiten a zu unabhänige Seiten wie zum Beispiel       Fahrschule.de.
Danoach, wenn mer was gfunden homm ruf mer oh und dann gemmer selber no hi. So werma scho was gscheits finden.
Recht hast. Vorher machma uns glei amol selber Gedanken wie unser Fahrschul ausschauer mo.

Also, fang mer amol oh:

Nett und symphatisch means sei, aber dabei mos offen, ehrlich und fair zogeh.

Ahnung sollns hom. Mir wollen scho Profis, kanne Dampfblasenplauderer!

Genügend Zeit braungs für uns, das a effektiv is und mir no vor der Renten fertig wern.

Vertraua mo ma inna kenna. Was versprechen means a halten!

A gode Information und Beratung is wichtig, damit mer an Plan hom und wissen was Sache is.

Good betreut wollmer sei, das mer immer an Ansprechpartner ham der si um uns kümmert.

Good draaf sollns sei, die Fahrlehrer, damits es wesentliche locker und ohne langs Geschwafel rüberbringer.

Ganz wichtig: Goode Nerven braungs a, wenn mir zwaa richtich looslegn.

Oft gnouch in der Wochn Unterricht oder glei a so a Ferienkurs, is ganz wichtich für uns.

Af anhieb die Prüfung besteh und danoch a richtich sicher fahrn kenna, des mo scho sei.

Abrobo Prüfung. Mei Fahrschul mo si  vor der Prüfung bsonders um mich kümmern. Wal vor Prüfungen hab ih immer richtich es flattern.


Hamma was vergessen?
Ah ja, sollet die Fahrschul net glei bei uns um die Eckn sei?
Scheah wär`s scho. Aber denk an Franz!
Für a gscheite Fahrschul laaf er mer gern die Hackn ab.
Recht hast!

No was?
Mit was für Autos das die schulen.
Na ja, a gscheits mous scho sei. Allerdings was nützt es schänste Fahrschulauto wenn der Esel am Fahrlehrersitz hockt?!

Schau amol her: A bissla Gedanken gmacht und scho wird alles viel klarer und einfacher bei der Fahrschulwahl.
Echt good das mer uns unterhalten ham.

Manst es gibt a Fahrschul die ihr Leistung garantiert? Wast scho, su er Art Qualitätsverspechen mit Geldzurückgarantie.
Soch amol tramst du etz von Tausend und anner Nacht, vielleicht bieten die dann a nu a Fahrschulauto mit 250 PS für besondere Stunden oder was?

Ehrlich, ich glaab ich hab so was scho amol ghärt.
Wahrscheinlich hat`s der des tramt.

So liebe Freunde, etz habt ihr a weng an Einblick ins Fahrschulbussines griecht.
Ich hoff es hat euch gfalln und ihr habt a weng was erfahren.

In diesem Sinn, überlechts eich good...
... an scheaner Tag no.


© by Thomas Walch          

 

Aktuelles